நீங்கள் தேடியது "மர்ம கும்பல்"

கும்பகோணம்:

கும்பகோணம் அருகே பந்தநல்லூர் அடுத்த செருகுடி அண்ணாநகர் பகுதியை சேர்ந்தவர் ராஜேந்திரன் (வயது 45), நிதி நிறுவன அதிபர். இந்த நிலையில் நேற்று இரவு ராஜேந்திரன், வீட்டுக்கு நடந்து சென்று கொண்டிருந்தார்.

அப்போது திடீரென 3 பேர் கொண்ட கும்பல் அவரை வழிமறித்தனர். அவர்கள் கண் இமைக்கும் நேரத்துக்குள் ராஜேந்திரனை சரமாரியாக அரிவாளால் வெட்டினர். இதில் அவர் அலறியடித்து கூச்சல் போட்டார். உடனே மர்ம கும்பல் அங்கிருந்து தப்பி ஓடி விட்டார்.

அரிவாள் வெட்டில் காயம் அடைந்த ராஜேந்திரனை அக்கம் பக்கத்தினர் மீட்டு தஞ்சை தனியார் ஆஸ்பத்திரியில் அனுமதித்தனர். அங்கு அவருக்கு தொடர்ந்து சிகிச்சை அளிக்கப்பட்டு வருகிறது. இந்த சம்பவம் பற்றி பந்தநல்லூர் போலீசார் வழக்குபதிவு செய்து விசாரணை நடத்தி வருகிறார்கள். இதில் முன் விரோதம் காரணமாக ராஜேந்திரனை, மர்ம கும்பல் வெட்டியது தெரியவந்தது. தப்பிசென்ற மர்ம கும்பலை போலீசார் தேடி வருகிறார்கள்.

ஆரணி:

ஆரணி அருகே கொடிகம்பத்தை மர்ம நபர்கள் தீ வைத்து எரித்த சம்பவத்தை கண்டித்து விடுதலை சிறுத்தை கட்சியினர் சாலை மறியலில் செய்தனர்.

ஆரணி அருகே உள்ள 12 புத்தூர் பகுதியில் விடுதலை சிறுத்தை கட்சியினர் சார்பில் கட்சி கொடிகம்பம் வைக்கப்பட்டுள்ளது. இந்த கொடிகம்பத்தை நேற்றிரவு மர்ம கும்பல் தீவைத்து எரித்து தப்பிச்சென்று விட்டனர்.

இன்று காலை கொடிக்கம்பம் எரிக்கபட்டிருப்பதை கண்ட விடுதலை சிறுத்தையினர் ஆரணி-பூசிமலைக்குப்பம் செல்லும் சாலையில் திடீர் மறியலில் ஈடுபட்டனர். இது குறித்து தகவலறிந்த ஆரணி தாலுகா போலீசார் சம்பவ இடத்திற்கு வந்து மறியலில் ஈடுபட்டவர்களிடம் பேச்சுவார்த்தை நடத்தினர்.

அப்போது எங்கள் கட்சிகொடியை சேதப்படுத்திய மர்ம கும்பலை உடனடியாக கைது செய்ய வேண்டும் என்றனர். போலீசார் நடவடிக்கை எடுப்பதாக உறுதியளித்தனர்.

இதையடுத்து மறியலை கைவிட்டு கலைந்து சென்றனர். இதனால் அப்பகுதியில் பரபரப்பு ஏற்பட்டது.

தஞ்சாவூர்:

தஞ்சை அருகே டாஸ்மாக்கடையின் பூட்டை உடைத்து மதுபாட்டில்கள் கொள்ளையடித்த மர்ம கும்பல் காவலாளியை கட்டிப்போட்டு நகை மற்றும் மோட்டார் சைக்கிளை பறித்து சென்ற சம்பவம் பரபரப்பை ஏற்படுத்தியுள்ளது.

தஞ்சை அருகே பள்ளியக்ரஹாரம் வெண்ணாற்றங்கரை பகுதியில் டாஸ்மாக்கடை செயல்பட்டு வருகிறது. இந்த டாஸ்மாக் கடையில் கண்ணன் என்பவர் மேற்பார்வையாளராக பணியாற்றி வருகிறார். டாஸ்மாக் கடையில் காவலாளியாக நாகராஜன் என்பவர் வேலை பார்த்து வருகிறார். இந்த டாஸ்மாக் கடை இருக்கும் இடமானது அதிக அளவில் ஆட்கள் நடமாட்டம் இல்லாத பகுதியாகும்.

இந்நிலையில் நேற்று இரவு டாஸ்மாக் கடையில் பணி முடிந்து கண்ணன் கடையை பூட்டிவிட்டு சென்றுள்ளார். இரவு காவலாளி நாகராஜன் பாதுகாப்பு பணியில் ஈடுபட்டு வந்தார். அப்போது அங்கு வந்த சில மர்ம நபர்கள் காவலாளி நாகராஜனை தாக்கிவிட்டு கடையின் முன்பக்க கதவை உடைத்து உள்ளே நுழைந்து கடையில் இருந்த 300 குவாட்டர் பாட்டில்களை திருடியுள்ளனர்.

பின்னர் வெளியே வந்த கொள்ளையர்கள் காவலாளி கையில் அணிந்திருந்த தங்க மோதிரம், வாட்ச் ஆகியவற்றை பறித்தனர். இதையடுத்து நாகராஜனை கட்டிப்போட்டுவிட்டு அவரது வாயில் துணியை வைத்து அடைத்துவிட்டு அங்கு நிறுத்தியிருந்த அவரது மோட்டார் சைக்கிளை திருடிக் கொண்டு அங்கிருந்து தப்பி சென்றுவிட்டனர்.

இந்த நிலையில் இன்று காலை அந்த வழியாக சென்ற சிலர் காவலாளி நாகராஜனின் முனகல் சத்தம் கேட்டு அங்கு சென்று பார்த்த போது அவர் கைகால்கள் கட்டப்பட்ட நிலையில் கிடப்பதை கண்டு அதிர்ச்சிஅடைந்தனர். அதனை தொடர்ந்து கட்டப்பட்டிருந்த அவரது கைகால்களை அவிழ்த்து விட்டதையடுத்து நடந்த சம்பவங்களை அவர் தெரிவித்துள்ளார்.

இதுகுறித்து தஞ்சை மேற்கு போலீசாருக்கு தகவல் தெரிவிக்கப்பட்டது. அதன்பேரில் சம்பவ இடத்திற்கு வந்த போலீசார் காவலாளி நாகராஜனிடம் நடந்த சம்பவம் குறித்து கேட்டறிந்தனர். மேலும் இதுகுறித்து டாஸ்மாக் மேற்பார்வையாளர் கண்ணன் கொடுத்த புகாரின் பேரில் போலீசார் விசாரணை நடத்தி கொள்ளையர்களை தேடி வருகின்றனர்.

தஞ்சையில் டாஸ்மாக் காவலாளியை தாக்கி மதுபாட்டில்கள், கொள்ளையடித்து சென்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது.

செங்குன்றம்:

வியாசர்பாடி, பி.வி. காலனி, கரிமேடு பகுதியை சேர்ந்தவர் குமார். இவரது மகன் திவாகர் (வயது 24) ரவுடி. இவர் மீது கொலை, கொலை முயற்சி உள்ளிட்ட பல்வேறு வழக்குகள் உள்ளன.

நேற்று மாலை திவாகர் நண்பர்களுடன் வெளியே சென்றார். பின்னர் அவர் திரும்பி வரவில்லை. அவரை குடும்பத்தினர் தேடி வந்தனர்.

இந்த நிலையில் நேற்று சோழவரம் ஏரியில் திவாகர், வெட்டி கொலை செய்யப்பட்டு கிடந்தார். அவரது தலை, கழுத்து, மார்பு பகுதியில் பலத்த வெட்டு காயங்கள் காணப்பட்டன. மர்ம நபர்கள் அவரை கொடூரமாக வெட்டி கொலை செய்து இருப்பது தெரிந்தது.

இதனை பார்த்து அதிர்ச்சி அடைந்த ஏரிக்கு மீன் பிடிக்க வந்தவர்கள் சோழவரம் போலீசுக்கு தகவல் தெரிவித்தனர். போலீசார் விரைந்து வந்து திவாகரின் உடலை கைப்பற்றி விசாரணை நடத்தினர்.

நேற்று மாலை வாலிபர்கள் சிலர் ஏரிக்கரையில் மது அருந்திவிட்டு காற்றாடி விட்டு கொண்டிருந்ததை அப்பகுதி மக்கள் பார்த்து உள்ளனர்.

எனவே திவாகருடன் வந்த நண்பர்கள் அவரை தீர்த்துக்கட்டி இருக்கலாம் என்று போலீசார் சந்தேகிக்கிறார்கள். கடந்த ஆண்டு வியாசர்பாடியில் நடந்த சீனிவாசன் என்பவரது கொலையில் திவாகர் சம்பந்தப்பட்டு இருந்தார்.

எனவே அவரால் பாதிக்கப்பட்ட யாரேனும் கொலையை அரங்கேற்றி இருக்கலாம் என்ற கோணத்திலும் விசாரணை நடந்து வருகிறது.

இது தொடர்பாக வியாசர்பாடியை சேர்ந்த 7 பேரை போலீசார் பிடித்து உள்ளனர். அவர்களிடம் விசாரணை நடக்கிறது. ஏரிக்குள் ரவுடி வெட்டிக் கொலை செய்யப்பட்ட சம்பவம் அப்பகுதியில் பரபரப்பை ஏற்படுத்தி உள்ளது.

திருப்பூர்:

திருப்பூர் மங்களம் இடுவாய் பகுதியை சேர்ந்தவர் கேசவன் (வயது28). இவர் கணியாம் பூண்டியில் மருந்து கடை நடத்தி வருகிறார். நேற்று இரவு வியாபாரத்தை முடித்து விட்டு கடையில் இருந்த ரூ. 9 லட்சத்து 50 ஆயிரத்தை பையில் எடுத்துக்கொண்டு மோட்டார் சைக்கிளில் வீட்டுக்கு புறப்பட்டார்.

பாரதிபுரம் என்ற இடத்தில் கேசவன் வந்தபோது காரில் பயங்கர ஆயுதங்களுடன் 4 பேர் வந்தனர். மோட்டார் சைக்கிளை வழிமறித்த கும்பல் ஆயுதங்களை காட்டி பணத்தை தருமாறு மிரட்டினர். கேசவன் பணத்தை தர மறுத்தார்.

இதில் ஆத்திரமடைந்த கும்பல் கேசவனை தாக்கி அவரிடம் இருந்த ரூ.9 லட்சத்து 50 ஆயிரத்தை பறித்தனர். அதிர்ச்சியடைந்த கேசவன் சத்தம் போட்டார்.

இரவு நேரம் மற்றும் ஆள் நடமாட்டம் இல்லாத பகுதி என்பதால் உதவிக்கு யாரும் வரவில்லை. இதனால் பணத்தை கொள்ளையடித்த கும்பல் மின்னல் வேகத்தில் காரில் தப்பினர்.

இது குறித்து கேசவன் வெள்ளகோவில் போலீசில் புகார் செய்தார். போலீசார் வழக்குப்பதிவு செய்து விசாரணை நடத்தி வருகிறார்கள். மருந்து கடை உரிமையாளர் பணம் கொண்டு வருவதை நோட்டமிட்டு இந்த கொள்ளை நடந்ததா? என்பது குறித்து விசாரணை நடத்தி வருகிறார்கள்.

பேரளம்:

திருவாரூர் மாவட்டம் நன்னிலம் அருகே விசலூர் கிராமத்தில் மகா காளியம்மன்கோவில் உள்ளது. திருவாரூர் -மயிலாடுதுறை மெயின் ரோட்டில் அமைந்துள்ள இக்கோவிலை கிராம மக்கள் வழிப்பட்டு வந்தனர்.

இந்நிலையில் இன்று காலை கோவில் அருகே உள்ள குளத்துக்கு பொதுமக்கள் குளிக்க சென்றனர். அப்போது கோவில் பூட்டு உடைக்கப்பட்டு இருந்ததை கண்டு அதிர்ச்சி அடைந்தனர். உடனே கோவில் பூசாரி தட்சிணாமூர்த்திக்கு தகவல் கொடுத்தனர். அவர் விரைந்து வந்து கோவிலை பார்வையிட்டனர்.

அப்போது கோவிலில் இருந்த தங்கமூலாம் பூசிய வெண்கலத்தால் ஆன உற்சவர் அம்மன் சிலை கொள்ளை போய் இருந்ததை கண்டு அதிர்ச்சி அடைந்தார். சுமார் 1½ அடி உயரமும் 45 கிலோ எடையும் கொண்ட இந்த அம்மன் சிலையில் மதிப்பு ரூ.2 லட்சம் ஆகும் .

இதுபற்றி நன்னிலம் போலீசுக்கு தகவல் கொடுக்கப்பட்டது. அதன்பேரில் டி.எஸ்.பி. அருண், இன்ஸ்பெக்டர் சந்திரா, சப்- இன்ஸ்பெக்டர் சுகன்யா ஆகியோர், விரைந்து சென்று கோவிலில் விசாரணை நடத்தினர்.

நள்ளிரவில் மர்ம கும்பல் கோவில் பூட்டை உடைத்து உலோக சிலையை திருடி சென்றது தெரியவந்தது. இதுபற்றி நன்னிலம் போலீசார் வழக்குப்பதிவு செய்து சிலை திருடிய கும்பலை தேடிவருகிறார்கள்.

தஞ்சை, நாகை, திருவாரூர் மாவட்டங்களில் உள்ள கோவில்களில் கடந்த சில ஆண்டுகளாக சிலை திருட்டு சம்பவங்கள் அடிக்கடி நடந்து வருகிறது.

குறிப்பாக பழங்கால கோவில்களை நோட்ட மிட்டு தொன்மையான சிலைகள் திருடப்பட்டு வருகிறது. இதனால் சிலை கொள்ளையர்களை தனிப்படை அமைத்து பிடிக்க வேண்டும் என்று பொதுமக்கள் கோரிக்கை விடுத்துள்ளனர்.